22 000 კილომეტრიანი ჩინეთის კედელი ტურისტებს ვერ იტევს. წელიწადში აქ მილიონი მნახველი ჩამოდის. ტურისტების მაქსიმალური რაოდენობა კი რომელიც ერთ დღეში დაფიქსირდა, 100 000-ია.
რატომ აშენდა ჩინეთის კედელი, რა დანიშნუება ჰქონდა მას, რამდენი ადამიანი აშენებდა და რა ბედი ეწიათ მშენებლობისას დაღუპულებს? – ერთად ვიმოგზაუროთ ჩინეთის კედლის გარეშემო და ვნახოთ რა ხდება აქ.
ჩინეთის დიდი კედლის აშენება დაკავშირებულია იმპერატორ ცინ ში ჰუანგისთან ჩვენს წელთაღრიცხვამდე III საუკუნეში და ჩანაფიქრი იყო ბარბაროსთა მომთაბარეების შემოსევების აღკვეთა.
რატომ არის ჩინეთის კედელი ასე მნიშვნელოვანი?
ჩინეთის დიდი კედელი აშენდა ჩინეთის ჩრდილოეთით მომთაბარე ტომების მტრის თავდასხმისგან თავდასაცავად. ის ასევე ემსახურებოდა ჩინეთის მასშტაბით სავაჭრო გზის დაცვას.
ეს არის გაუმტარი ნაგებობა. კედლის სიგრძე დაახლოებით 22 000 კილომეტრია. კედლის მშენებლობა კი ორ ათასწლეულზე მეტი ხნის განმავლობაში გრძელდებოდა.
კედლის აშენებას 2000 წელზე მეტი დასჭირდა. დიდი კედლის ასაგებად გამოიყენეს სხვადასხვა მასალა.
კედლის აშენებისას 400 000-მდე ადამიანი დაიღუპა; ამ მუშებიდან ბევრი თავად კედელში იყო დამარხული.
შეფასებულია, რომ მილიონზე მეტი ადამიანი მუშაობდა კედლის ასაშენებლად.
რაც შეეხება საშენ მასალებს, კედელი აგებულია აგურით, კირის ხსნარით და წებოვანი ბრინჯით, რომელსაც იყენებდნენ აგურის გასამაგრებლად, რათა მიწისძვრებისთვის და თანამედროვე ბულდოზერებისთვის გაეძლო.
შესაძლებელია თუ არა ჩინეთის დიდი კედლის გავლა ფეხით? – როგორც გათვლილია, ფეხით კედლის შემოვლას 18 თვე სჭირდება.
დიდი კედელი პირველად ააშენა სამმა მეომარმა სახელმწიფომ, შემდეგ გააფართოვა და აღადგინა სულ მცირე ცხრა დინასტიამ და ჩინეთის მთავრობამ აღადგინა, როგორც ტურისტული ზონა.
კედლის საშუალო სიმაღლეა 7,8 მეტრი, ზოგ ადგილად კი 14 მეტრი. დიდი კედელი არ არის მხოლოდ კედელი, არამედ თავდაცვითი ნაგებობა, რომელიც შედგება მთავარი გალავნისგან, საგუშაგო კოშკებისგან, ციხესიმაგრეებისგან, მცველებისგან და შუქურის კოშკებისგან.
დიდი კედლის უძველეს მონაკვეთებზე სამუშაოების დიდი ნაწილი აშენდა ხელით, თუმცა გამოყენებული იყო პრიმიტიული ტექნოლოგია – ბორბლიანი ღეროები, თოკები, კალათისა და საბურავის სისტემები და ცხენებითა და ხარებით გამოყვანილი ურმები.
ყოველწლიურად 10 მილიონზე მეტი ადამიანი სტუმრობს ჩინეთის დიდ კედელს.
ერთხელ მას ერთ დღეში 100 000 ვიზიტორიც ჰყავდა, რაც მაქსიმალური მაჩვენებელია.
როგორც ამბობენ, ჩინეთის დიდი კედლის სანახავად საუკეთესო პერიოდია მაისი დაოქტომბერი. შემოდგომაზე აქ სასწაული ფერებია, ამინდიც მშრალია და კომფორტულია მოგზაურობა.
დიდი კედლის დათვალიერება ღამით განსაკუთრებით ლამაზია, რადგანაც, მთელი პერიმეტრი მორთული და განათებულია. იმართება ლაზერული წარმოდგენები, ეროვნული კოცერტები, სანახაობები, ყველა მიმართულებით ყველა მხარეს რაღაც ხდება. ეს ყველაფერი იმდენად ლამაზი და გამაოგნებელია, ვერ ასწრებ ინფორმაციის აღქმას, გადამუშავებას, ნახვასაც კი.
კედლამდე მისვლა შესაძლებელია როგორც ავტობუსით, ისე კერძო მანქანით, მატარებილით რომელიც კონკრეტულ სადგურამდე მიდის და შემდეგ საბაგიროთი. უშუალოდ კედლის პერიმეტრს კი მიუყვება საკმაოდ ფართო, ქვის ფილებიანი გზა, რომელიც ფეხით უნდა დაათვალიერო. ეს გზა მიდის, მიდის და არასდროს მთავრდება. რა თქმა უნდა, უსაფრთხოება მაქსიმალურადაა დაცული, პერიმეტრზე რამდენჯერმე გიწევთ სკანირება, სპეციალური აპარატით შემოწმება. გზადაგზა კი, მთელს ტერიტორიაზე ულამაზესი გასართობი წარმოდგენები იმართება.
ეკა გულუა პეკინიდან
